बुटवलको सुख्खानगरमा खुलेको पैंचो पसलमा गुल्मी तथा पाल्पामा उत्पादित फलफुल र तरकारी आउन थालेको छ । गुल्मीमा फलेको सुन्तला र पाल्पाको अर्गलीमा फलेको काउली बुटवलमै पाईन थालेपछि स्थानीय उपभोक्ता पनि खुशी भएका छन् ।
तरकारी किन्न पैंचो पसल पुगेकी बुटवल मिलनचोककी गृहिणी भागिरथी शर्माले भारतीय तरकारी भन्दा पहाडको तरकारी रसिलो हुने बताउनुभयो ।
तराईमा नपाईने जंगली गिठा समेत पैचो पसलले राखेको छ । खरानी पानीमा उमालेर गिठा खाँदा शरीरको रोगब्याधी हट्ने भन्दै पैंचोमा गिठा लिन आएको बताउनुभयो बुटवलकै अर्का उपभोक्ता अर्का उपभोक्ता गुरुदत्त पाण्डेले ।
निर्माणको काम पुरा नहुँदै पैंचो पसलमा ग्राहकको भीड लाग्ने गरेको छ । फलफुल तरकारीसँगै पैंचो पसलले प्रशोधन गरेको चुक अमिलो, मकैको
आटो (च्याँख्ला), बेसार र अदुवाको धुलो पनि केहि महिनामा उपलब्ध हुने पसलका प्रबन्ध निर्देशक ध्रुव न्यौपानेले बताउनुभयो ।
बुटवलको पसलमा हाल तरकारीमा फर्सी , कुभिन्डो , गोलभेंडा , काउली, बन्दा , गिठा , सिमी उपलब्ध छन् भने फलफुलमा सुन्तला , अम्वा, मौसम र कागती राखीएको छ ।
पैंचोले गुल्मीको बलेटक्सार र दिगाम तथा पाल्पाको अर्गलीमा बिक्रि कक्षका साथै कृषि उत्पादन संकलन कक्ष सञ्चालनमा ल्याईसकेको छ । हाल दैनिक २ देखि ३ लाख सम्मको बिक्रि हुने गरेको पसलका सञ्चालकहरुले बताएका छन् ।
करिब ३ करोड लगानी गरिसकेको पैंचो पसलले अर्गानिक उत्पादनका कृषिजन्य उपभोग्य सामानमा जोड दिएकाले गृहिणीदेखि कलेज पढाउने शिक्षकसम्म पैंचो पसलमा पुग्ने गर्छन् । अर्गानिक उत्पादन बढाउन पैचो पसलले पहाडी जिल्लाका ग्रामीण क्षेत्रका किसानहरुलाई आधुनिक तालिम दिनेदेखि विभिन्न प्रविधीहरु उपलब्ध गराएको पैंचो पसलले जनाएको छ ।
साभारः टुरिज्म अफ नेपाल
0 comments :
Post a Comment
कृपया Post पढिसकेपछी आफ्नो अमूल्य सल्ला, सुझाब / टिप्पणी दिन नभुल्नुहोला ।
तपाईको सल्ला सुझाबले नै हामीलाई जोश जागर मिल्ने छ र केहि गर्ने हौसला प्राप्त हुनेछ । धन्यवाद !